طريقه عمل لازانيا

لازانيا

لازانيا

مكونات لازانيا باللحم

12 شريحه لازانيا

400 جرام لحمة مفرومة

بصل - توم - بقدونس 

زيت زيتون

دقيق - لبن - كريمة طبخ (للبشاميل)

2 كوب عصير طماطم

علبة صلصة طماطم

جبن مبشورة ( رومي - فلامنك - شيدر - موتزاريلا )

ورق لورا - زعتر - ملح - فلفل

طريقه تحضير الازانيا

1- نسلق الازانيا لحد ما يادوب تبقى طرية قبل ما نشتغل بيها بساعه وتترك حتى تصفى ماء السلق .

2- تغسل بعد تصفيه ماء السلق بماء الحنفيه ويضاف عليها زييت لمنع الالتزاق وكل فتره تقلب عشان تفك من بعضها

3- عشان نجهز الصلصه هانسخن شوية زيت  ونحط بصلة صغيرة أوي مقطعة قطع صغيرة أول ما تدبل ننزل ب 4 فصوص توم مفرومين ويتشوحوا شوية وبعدين نحط عصير الطماطم لحد ما المايه اللي فيه تقل بس من ننشف الصلصة،، لأ تبقى طرية وفيها شوية سائل بسيط  ونحط ملح وفلفل وزعتر 

4- لتجهيز حشو الازانيا نسخن طاسه ونحش شويه زيت ونقطع 2 بصلة وسط لقطع صغيره تتشوح 

5- عندما تصبح البصله صفره نضيف 6 فصوص توم كبار مفرومين ثم نضيف اللحمة المفرومة

6- يترك الخليط على نار هاديه لحد ما تنزل مايته ويتشرب وتسوتى اللحمه واثناء التسويه يضاف ورق اللورا والزعتر والملح والفلفل وبهارات اللحمة المفرومة زى ما انتى عاوزه ومتعوده

7- اول ما يقارب على التسويه نضيف 3 معالق صلصه طماطم

8- نقلب كويس وبعدين نرفع من على النار ونضيف البقدونس المتقطع

9- لو الحشوة فيها سوايل او زيت او دهون سايلة تصفى كويس 

10- عشان نعمل البشايميل اعمليه بالطريقه المعتاده فى حدود 2 كوبايه لبن ولو فى كريمة طبخ زودى كوبايه منها هتخلى الطعمه روعه

11- كدا كل المكونات جهزت وعملنا الحشو والصلصه و البشاميل وسلقنا الازانيا

12- هنجيب بقى صنيه نحط فيها الاول شوية صلصة

13- بعدين نحط طبقتين ن الازانيا وعلى الجناب

14- بعدين نحط نص كمية الحشو هنا هو اللحمة

15- هنرش رشه جبن اى جبنه رومى شيدر فلامنك بس نصيحه حطى جبنه رومى

16- هنحط شوية بشاميل صغيرين مع معلقتين صلصه

17- هنحط تانى طبقتين لازانيا بينهم شويه صلصه صغيرين وباقى الحشو ورشة الجبنة وشوية بشاميل بمعلقتين صلصة صغيرين

18- اخر حاجه هنغطى بطبق لازانيا ونحط بشاميل على الوش وعليه رشة جبنة

وبالف هناء و الشفاء